Қазақстан ұлттық құрамасы мен "Елім"ай" клубының шабуылшысы Ғалымжан Кенжебек үшін Ресей Премьер лигасының екі клубы – мәскеулік "Локомотив" және Грозныйлық "Ахмат" белсенді келіссөздер жүргізуде, деп хабарлайды Aladop.kz.
"Ғалымжанның әлеуеті "Челси” сатып алған 17 жастағы Сатпаевтан кем түспейді. Оны бұған дейін « "Краснодар” мен Хабаровскілік "СКА” қарастырған, сондай-ақ биыл "Акрон” назарына ілінген еді.
22 жастағы футболшы 2025 жылғы Қазақстан чемпионатының 11 матчында 6 гол соғып, 4 нәтижелі пас берген.
Ұлттық құрамада 8 матчта 2 гол соғып, 1 нәтижелі пасымен көзге түскен.
Бұл табысты өнер көрсетулер оған "Олимпиакос” (Грекия) және "Данди Юнайтед” (Шотландия) клубтарының да назарын аударған.
Кенжебек – техникалық, стандартты емес ойлау қабілеті бар, әрі алдап өту шеберлігі жоғары шабуылшы. Оның ойын мәнері Грозныйлық "Ахматтың” ойыншылары Самородов пен Садулаевқа ұқсайды.
"Локомотив" (Мәскеу):
"Локо" қысқы үзілісте Баринов кеткен жағдайда 4-2-3-1 схемасына көшсе, клубқа сол қанаттағы шабуылшы қажет болады.
• Пиняев – жарақатқа бейім.
• Салтыков – тұрақсыз және тәжірибе жинау үшін жалға берілуі мүмкін.
Сондықтан, Руденко мен Бакаевтан басқа (оларды екі қанатта да қолдануға болады) негізгі құрамға ілігетін футболшылар қатарын толықтыру үшін Кенжебек маңызды.
"Ахмат" (Грозный):
"Ахмат” Кенжебекті Садулаевқа ауыстырушы ретінде қарастыруда. Бапкер Станислав Черчесовтің кезінде Садулаев негізгі құрамның (14 матчтың 13-ін бастады) баламасыз ойыншысына айналды.
• Мансилья, Самородов, Гаджиев негізінен оң жақта ойнайды.
• Жемалетдинов пен Касинтура орталықта.
• Лечи Садулаевты алмастыратын ойыншы жоқтың қасы.
Ең маңыздысы, Кенжебек «Ахматтың» бапкері Станислав Черчесовпен Қазақстан құрамасында жұмыс істеу арқылы таныс.
"Паровоздар" (Локо) жігітті Грозный емес, Мәскеуді таңдауға көндіре ала ма, көреміз.” – деп жазды Инсайды от Карпина телеграм арнасы.
