"Манчестер Сити" бас бапкері Пеп Гвардиола клубтың билет саясатына қарсы наразылық білдіріп жатқан жанкүйерлерді сынға алудан бас тартып, олардың өз пікірлерін еркін білдіру құқығын қолдайтынын айтты.
Жанкүйерлердің негізгі наразылығы өткен аптада клубтың Viagogo билет сату платформасымен серіктестік орнатуынан кейін күшейе түсті. Бұл "Ситидің” сыртқы компаниялар арқылы билеттерді сатуы бойынша тоғызыншы серіктесі болды, алайда бұл шешім көптеген фанаттардың ашу-ызасын туғызды.
Гвардиоланың пікірінше, клуб жанкүйерлердің қолдауына мұқтаж:
"Футбол клубтары – жанкүйерлерге тиесілі, және егер олар бір нәрсемен келіспесе, өз пікірлерін білдіруге толық құқылы. Клуб жанкүйерлердің пікірін тыңдап, ортақ шешімге келуге тырысады."
Сонымен қатар, Гвардиола жанкүйерлерсіз футболдың мәні жоғалатынын атап өтті:
"Стадионда жанкүйерлер болмаса, бұл ешқандай мағынаға ие болмайды. Біздің жұмысымыздың да мәні қалмайды."
"Сити” басшылығы бейсенбі күні жанкүйерлер кеңесімен кездесіп, келесі маусымға арналған маусымдық билеттердің бағасын талқылауды жоспарлап отыр.
Өнер Айболат
Біздің серіктес: FONBET
