Пеп Гвардиола "Манчестер Ситиден" кетуі мүмкін – Испаниялық бапкердің Англиядағы дәуірі аяталмақ ба?

Испандық маманның шешімі әлі ресми түрде жарияланбағанымен, команда ішіндегі дереккөздер оның кету ықтималдығын растауда.

Деректерге қарағанда, Гвардиола қазір клуб басшылығымен тығыз байланыста және егер шынымен кетуге шешім қабылдаса, командаға лайықты мұрагер табуға жеке көмектесуге дайын екенін білдірген.

54 жастағы маманның “Қалалықтармен" қолданыстағы келісімшарты 2027 жылдың жартысына дейін болса да, соңғы айларда болашағы туралы қатты ойланғаны айтылуда.

Гвардиола "Манчестер Ситиді" 2016 жылы қабылдап, өткен сегіз жыл ішінде команданы Еуропаның ең мықты клубтарының біріне айналдыра алды. Оның қол астында "Сити" 6 рет Ағылшын Премьер лигасының чемпионы атанды, 2 рет Англия Кубогын, 4 рет Лига Кубогын, 2 рет Суперкубокты және ең бастысы, 2023 жылы клуб тарихында алғаш рет Чемпиондар Лигасының жүлдесін жеңіп алды.

Футбол сарапшылары Гвардиоланың бұл жетістіктерін "Ситидің" жаңа тарихындағы ең жарқын кезең, тіпті "алтын кезең" деп бағалап отыр. 

Кейбір дереккөздердің айтуынша, Гвардиола мансабындағы жаңа кезең туралы ойлануда, ол клубты өзінің ең биік шыңына жеткізгенін және енді өзін басқа бағытта сынап көргісі келген болуы мүмкін.

"Ол әрқашан терең ойлайтын, жұмысқа құштарлықпен қарайтын жаттықтырушы болды. Гвардиоланың шешімдері әрқашан ойластырылған және қисынды болады. Сондықтан, егер ол кетуге шешім қабылдаса, бұл клуб үшін құрметпен жасалатын қадам болады." - деп жазды "The Times."

Сонымен қатар, "Манчестер Сити" басшылығы Гвардиоланың орнын басатын үміткерлерді де зерттей бастаған. Кейбір инсайдерлер "Брайтонның" бұрынғы бапкері Роберто Де Дзерби, "Барселонаның” бұрынғы бас бапкері Хави Эрнандес және "Реал" басшысы Хаби Алонсо сияқты есімдерді атап жатыр.

Манчестер жанкүйерлері Гвардиоланың кетуі туралы хабарды ауыр қабылдауда. 

"Ол кетсе де, оның мұрасы ұзақ жылдар бойы сақталады. Гвардиола "Ситиді" өз қолымен заманауи футболдың көшбасшы клубына айналдырды.” - дейді жергілікті сарапшы Ричард Киз.

Әзірге Гвардиола бұл туралы ресми түсініктеме берген жоқ. Алайда футбол қауымдастығында оның келесі бағыты туралы әртүрлі болжамдар бар. Кейбіреулер оны ұлттық құрамалардың біріне, ал басқалары Италия немесе АҚШ клубтарының біріне қабылдауы мүмкін деп санайды.