Ағылшын Премьер-лигасында қаңтар айының үздіктері анықталды.
Жаңа жылдың алғашқы айында «Тоттенхэмнің» шабуылшысы Харри Кейн үздік ойыншы атанды. Ал «Саутгемптон» бапкері Рональд Куман үздік бапкер болып танылды.
Қаңтар айында Харри Кейн лондондықтар сапында 4 ойын өткізіп, бес гол соққан.
Ал Куманның жаттықтыруымен «Саутгемптон» өткен айдың барлық кездесуінде жеңіске жетті – «Арсеналды» 2:0, «Манчестер Юнайтедті» 1:0 және «Ньюкаслды» 2:1 есебімен ұтты.
