Франциялық шабуылшы Хатем Бен Арфа жыл соңына дейін «Вальядолид» командасының сапында өнер көрсетеді. Бұл туралы клубтың ресми сайты хабарлады. Айта кетейік, 32 жастағы футболшы өткен жылдың жазында Францияның «Ренн» ұжымынан кеткенен бері клубсыз жүр. Қазір Хатем испан клубымен бірге жаттығу жұмыстарына кірісіп те кеткен.
Сонымен қоса, бен Арфа «Лион», «Марсель», «Ньюкасл», «Халл Сити», «Ницца» және «ПСЖ» жейдесінде тер төккен. Франция құрамасы сапында 15 ойынға қатысып, 2 гол салған.
Шамкен БАЙЫРБЕК.
