“Вильярреалға” қарсы кездесуде 18 жастағы ойыншы мансабындағы алғашқы хэт-тригін жасады.
“Барселона” ұжымы Примераның 26-турында “Вильярреалды” қарсылас көрмеді. Блауграна өз алаңында болған ойында Ламинь Ямальдың 3 голы мен Роберт Левандовскийдің мергендігі арқасында “Левантеден” кейінгі екінші қатарынан жеңісіне қол жеткізді (4:1).
Сол арқылы Ламин Ямаль өз мансабында өткізген 166 кездесуінде 100 пайдалы әрекетін тіркеді (48 гол + 52 голдық пас).
Осы маусымда Испания құрамасының жас таланты Чемпионатта 21 ойында алаңға шығып, 10 гол мен 9 голдық пас берді. Оның нәтиже көрсеткен кездесулерінде Ханси Флик командасы үнемі жеңіске жетіп отырған. Соңғы рет Ямаль Левантеге қарсы матчта Фермин Лопеске голдық пас беріп, өз командасының кезекті 3 ұпайын қоржынға салды.
