Жанна Мальгаждарова
Қазақстан футбол федерациясы әйелдер футболындағы жаттықтырушылар штабында бірқатар кадрлық өзгерістер болғанын ресми түрде жариялады, деп хабарлайды Aladop.kz.
Негізгі өзгерістер:
• Мадияр Кембілов әйелдер ұлттық құрамасының бас бапкері қызметінен кетті. Ол бұл лауазымды 2023 жылдан бері атқарып, команданың қалыптасуы мен дамуына өз үлесін қосқан болатын.
• Жанна Мальгаждарова WU-19 қыздар құрамасының аға жаттықтырушысы қызметін тоқтатты. Ол бұл орынға 2025 жылдың мамыр айында тағайындалған еді.
Мамандар федерацияда қалады
Айта кетерлігі, қос маман да футбол саласынан біржола кетпейді. Олар ҚФФ құрылымында жұмысын жалғастырып, еліміздегі әйелдер футболын жүйелі түрде дамытуға бағытталған жаңа жобаларға атсалысатын болады.
Жаңа бапкерлер қашан белгілі болады?
Бос тұрған лауазымдарға үміткерлерді іріктеу жұмыстары басталып кетті. Жақын арада ҚФФ Техникалық даму комитеті үміткерлердің бағдарламаларын тыңдайды.
Талқылау қорытындысы бойынша ең лайықты кандидаттар таңдалып, соңғы шешімді ҚФФ Атқарушы комитеті бекітеді.
