Қазақстан футбол федерациясы Әйелдер Ұлттық құрамасының тізгінін отандық футболдың аңыз тұлғасы Бегайым Қырғызбаеваға сеніп тапсырды, деп хабарлайды Aladop.kz.
Бегайым Сапарқызы — Қазақстандық әйелдер футболы тарихындағы ең жарқын әрі титулды ойыншылардың бірі. Ол мансабында 11 дүркін Қазақстан чемпионы, 10 мәрте Қазақстан Кубогының иегері атанған.
Ол ұлттық құрама сапында 2003 жылдан бастап өнер көрсетіп, нағыз рекордшы атанды. Бегайым ел намысын 85 кездесуде қорғап, қарсыластар қақпасына 17 гол соқты. Бұл көрсеткіш оны құрама тарихындағы ең көп матч өткізген футболшы ретінде тарихта қалдырды.
Бегайым Сапарқызы ойыншы ретіндегі үлкен тәжірибесін 2022 жылдан бастап бапкерлік саласына бағыттады. Осы уақыт ішінде ол келесідей маңызды қызметтерді атқарды:
– "Оқжетпес” және "Елімай” әйелдер клубтарының жаттықтырушысы
– Әйелдер Ұлттық құрамасында бас бапкердің көмекшісі
Ұлттық құраманың ішкі атмосферасы мен ерекшеліктерін жақсы білетін маман ретінде, Бегайым Қырғызбаеваның тағайындалуы командаға тың серпін беруі керек.
