Футзалдан Қазақстан құрамасының капитаны әрі қақпашысы Игита Италияға қарсы өткен ойынды (4:1) қорытындылады, деп хабарлайды УЕФА ресми сайты:
— Менің ойымша, бұл сәтсіздіктердің орнын толтыруға тырысқан италиялық командаға қарсы әдемі, таза футзал ойыны болды. Біз әр матч сайын команда ретінде өсіп келе жатырмыз, мұны бүгін тағы бір рет дәлелдедік. Бұл екі команда үшін де финал болды және біз жеңіске лайықпыз.
Біз шаршадық, өйткені бұл өте қиын матч болды. Келесі турда Португалиямен кездеспеу үшін топта бірінші орын алу маңызды болды. Ширек финалда Тайнан мен Эдсонға сенім арта алмаймыз, бұл біз үшін үлкен шығын. Бұған бейімделуіміз керек, бірақ мен әлі де біздің әдеттегі деңгейде ойнай алатынымызға сенімдімін.
Біздің серіктес: FONBET
