Бірнеше күн бұрын ғана негізгі қаржылық тірегінен айырылып, болашағы белгісіз күйде қалған "Астана" қайта тыныс алды, деп хабарлайды Aladop.kz.
Клуб басшылығы командаға жаңа демеуші тапты. Ресми ақпарат алдағы аптада жарияланады.
Бұған дейін белгілі болғандай, команданың ұзақ жылдар бойы басты демеушісі болып келген "Самұрық-Қазына ҰӘҚ" АҚ келесі маусымнан бастап клубты толықтай қаржыландыруды тоқтату жөнінде шешім қабылдаған еді.
Өткен маусымның өзінде қор "Астанаға” 3 миллиард теңгеден астам қаражат бөлген. Алайда бұл қолдау "Самұрық-Қазынаның” клубқа жасаған соңғы ірі құйылымы болып қалды.
