Йошко Гвардиолдың ауыр жарақаты – “Манчестер Сити” мен Хорватия құрамасы қиын жағдайда

Команданың қорғаныстағы тірегі Йошко Гвардиолдың оң аяқ жіліншігі (tibia) сынып, алдағы күндері оған ота жасалатыны белгілі болды. Бұл жағдай Пеп Гвардиоланың тактикалық жоспарларын түбегейлі өзгертуге мәжбүр етіп отыр.

Оқиға қалай болды?

Хорватиялық қорғаушы бұл жарақатты "Челсиге” қарсы өткен ойында (1:1) алды. Матчтың екінші таймында алаңды ақсаңдап тәрк еткен ойыншының жағдайы бірден күдік тудырған болатын. Клуб әзірге футболшының қашан сапқа оралатынын нақты айтпаса да, жарақаттың сипаты оның ұзақ уақытқа ойыннан шеттетілетінін аңғартады.

Гвардиола үшін үлкен соққы

Гвардиолдың жоқтығы — Премьер лиганың чемпиондығы үшін таласып жатқан "Сити” үшін орны толмас шығын. Пеп Гвардиола оған тек қорғаушы ретінде емес, шабуыл бастаушы әрі сол қанат пен орталықты тең ұстайтын әмбебап ойыншы ретінде сенім артқан еді.

"Арсенал” турнир кестесінде алға шығып кеткен қазіргідей маңызды сәтте, қорғаныс шебін қайта құру бапкер үшін үлкен сын болмақ. Клуб шұғыл түрде "Уотфордта" жалға ойнап жүрген жас қорғаушы Макс Аллейнді кері шақырып алды.

Хорватия құрамасының алаңдаушылығы

Бұл жаңалық тек клубты емес, Хорватия футболын да дүр сілкіндірді. Алда келе жатқан Әлем чемпионатының басталуына 6 айдан аз уақыт қалды. 2022 жылғы Мундиалда жұлдызы жанған Гвардиол ұлттық құраманың басты фигураларының бірі екені сөзсіз. Енді оның турнирге қатысу-қатыспауы отаның сәттілігі мен оңалту процесінің жылдамдығына тікелей байланысты болмақ.

Футболшының мәлімдемесі

Йошко Гвардиол өзінің жанкүйерлеріне әлеуметтік желі арқылы жігерлі үндеу тастады:

"Бұл — өте ауыр сәт, бірақ бұл мені сындыра алмайды. Мен кім екенімді және қайдан келгенімді білемін. "Сити” жанкүйерлеріне шексіз қолдаулары үшін алғыс айтамын. Мен сіздерді жақсы көремін және алаңға нағыз жауынгер ретінде мықты болып оралу үшін күн сайын күресетін боламын."