Қазақстандық вингер Ислам Чесноков Ресей Премьер лигасындағы дебюттік кездесуін өткізді, деп хабарлайды Aladop.kz.
Оның жаңа клубы — Cамаралық «Крылья Советов» — чемпионаттың бесінші турында сырт алаңда Тольяттидің «Акрон» командасын 3:0 есебімен тас-талқан етіп жеңді.
Чесноков кездесуді негізгі құрамда бастап, алаңда 57 минут өнер көрсетті. Ойынның 54-минутында Қазақстандық футболшы сары қағаз алып, көп ұзамай алмастырылды.
Жеңіске қарамастан, Flashscore порталы Чесноковтың ойынын жоғары бағаламады. Оған 5,8 балл берілді, бұл — «Крылья Советов» сапындағы футболшылар арасындағы ең төменгі көрсеткіш.
Бұл жеңіс Самаралық клуб үшін 2026/27 маусымындағы алғашқы жеңіс болды. Бес турдың қорытындысы бойынша «Крылья Советов» еншісінде бес ұпай бар.
