sbssports.kz
Шотландиялық "Хартс" сапында өнер көрсетіп жүрген Қазақстан ұлттық құрамасының шабуылшысы Ислам Чесноковтың мансабын қайда жалғастыратыны әлі белгісіз, деп хабарлайды Aladop.kz.
"Тобыл" басшыларының бірі Санжар Сейтқазинов Өскеменде, осы қаланың түлегі болып табылатын Ислам Чесноковпен жеке кездесу өткізді. Клуб басшылығы футболшыны Қостанай командасына қайта оралуға көндіруге тырысуда.
Қазіргі уақытта "Тобыл" мен "Хартс” арасында келіссөздер жүріп жатыр. Қостанайлық клуб футболшыны алдағы 6 айға жалға алуды жоспарлап отыр.
Дегенмен жағдай біржақты емес. Біздің мәлімет бойынша, Чесноков басқа нұсқаларды да қарастыруда. Атап айтқанда, оған қызығушылық танытып отырған клубтардың қатарында "Ордабасы" да бар. Футболшы әзірге соңғы шешімін қабылдамаған және барлық ұсынысты саралап жатыр.
