Қазақстандық футболшы Ислам Чесноков шотландиялық "Хартс" клубымен келісімшартқа қол қоюға жақын. Ол қазіргі уақытта Қостанайдың "Тобол" командасында ойнап жүр, және оның келісімшарты 2025 жылдың 31 қазанында аяқталады. "Хартс" клубы Чесноковқа негізгі құрамда ойнау мүмкіндігін берген ұзақ мерзімді келісімшарт ұсынып отыр.
Чесноков "Тоболдағы” соңғы екі маусымында 20 гол соғып, 11 нәтижелі пас берген. Сонымен қатар, ол Қазақстан ұлттық құрамасында 13 матчқа қатысқан.
Бұған дейін Чесноковқа Венгрияның "Кишварда” және Түркияның "Касымпаша” клубтары қызығушылық танытқан болатын. Алайда, "Хартс” клубы футболшымен келісімшартқа қол қоюға ең жақын тұрған команда болып отыр.
Егер келісімшарт сәтті жүзеге асса, Чесноков "Хартс" құрамына қосылып, Шотландия Премьер лигасында өнер көрсететін болады.
Айболат Өнер
Біздің серіктес: FONBET
