Исламбек Қуат: словакиялық клубтан өтуге болады

Ертең Рафаэль Уразбахтиннің командасы братиславалық «Слованды» қабылдайды. Жауапты матч бір аптадан кейін Словакия жерінде болады.

- Исламбек, ертең де «Қайратқа» жанкүйер болатын шығарсыз? Бұрынғы командаңыздың мүмкіндігі туралы пікіріңіз?

- Иә, әрине матчты жібермей көремін ғой. «Қайратқа» жанкүйер боламыз. «Слован» чемпионатты енді бастап жатыр, ал «Қайрат» былайша айтқанда «на ходу» ғой. Алматыдағы ойынды ұтуға болады, ал сырт алаңда қиын болады-ау... Меніңше, словакиялық клубтан өтуге болады. Қалай дегенде де, «Қайрат» өзінің алаңында жеңіске жетуі тиіс. Ал Словакияда тағы да қайталап айтайын, өте қиын болады біздің клуб үшін.

- Владимир Вайспен «Қайратта» жолдарыңыз түйіскен болатын. Бапкер ретінде сізге ұнаған қандай ерекше қасиетін атап өтер едіңіз?  

- Владимир Вайсс – біздің әкеміз сияқты болатын. Бүкіл командада оны солай қабылдаған. Бапкер ретінде де, адам ретінде де өте әділетті деп айтар едім. Осы қасиетімен ерекшеленетін, ешкімді бөліп жармайтын.

- Әңгімеңізге рахмет, Исламбек!

- Оқасы жоқ!