«Астана» клубының тәрбиеленушісі Исламбек Қуат өз клубына оралып, елордалық командамен келісім-шартқа отырды.
Қазақстан құрамасының футболшысы «Астана» командасында 24 матч өткізген. Одан кейін «Қайрат», «Ақтөбе», «Оқжетпес», сондай-ақ ресейлік «Оренбург» және «Химки» командаларының намысын қорғады.
Қазақстан құрамасы сапында 40 ойын өткізіп, 5 гол соқты.
Еске салайық, Исламбек Қуат бірнеше күн бұрын «Химки» клубымен келісім-шартты бұзған болатын.
Қуат «Химки» сапында өткен күзден бастап ойнап келеді. Небәрі алты матчқа қатысты. Клубқа жаңа бапкер Черевченконың келуімен Исламбек негізгі құрамдағы орнын жоғалтты. Тіпті футболшы «Химкидің» Түркияда болатын оқу-жаттығу жиынынан тыс қалды.
"Астана" ФК баспасөз қызметі
Біздің серіктес: FONBET
