"Химки" клубына қажетсіз болып қалған Қазақстан құрамасының жартылай қорғаушысы Исламбек Қуатқа Қазақстан Премьер-лигасының екі клубы қызығушылық танытып отыр. Бұл туралы Transfermarkt порталы хабарлады.
Ойыншыны "Астанадан" бөлек "Ордабасы" командасы да өз қатарына қосқысы келеді. Еске салайық, Исламбек Қуат бірнеше күн бұрын ресейлік клубпен келісім-шартты бұзған болатын.
Қуат "Химки" сапында өткен күзден бастап ойнап келеді. Небәрі алты матчқа қатысты. Клубқа жаңа бапкер Черевченконың келуімен Исламбек негізгі құрамдағы орнын жоғалтты. Тіпті футболшы "Химкидің" Түркияда болатын оқу-жаттығу жиынынан тыс қалды. Және "Химки-2" командасымен бірге жаттығуға мәжбүр болды.
Біздің серіктес: FONBET
