Ғалымжан Кенжебек
Қазақстан жастар құрамасының жартылай қорғаушысы Ғалымжан Кенжебек Испания құрамасымен болған ойын жайлы айтты. Кипрдің «Акритас» командасының намысын қорғайтын футболшы ол матчта Испания қақпасына дубль салған болатын.
«Испанияның қақпасына екі гол салғанда өте қатты қуандым. Мұндай құрама команданың қақпасына гол салу абырой, алайда бастысы мен сол сәтте қазақстандық футболшылардың жоғары деңгейде ойнай алатынын және мұның қолдарынан келетінін түсіндім. Испания мен Шотландиямен болған бәсекелер осының дәлелі», - деді Ғалымжан Кенжебек.
Айта кетейік, 2025-жылғы жастар арасында болатын Еуропа біріншілігінің іріктеуінде Қазақстан сырт алаңда Испаниядан 4:3 есебімен ұтылған еді.
Біздің серіктес: FONBET
