"Ювентустың" корпоративтік директоры Франческо Кальво қазіргі таңда клубтың басты жейде демеушісін анықтау бойынша жұмыс жүргізіп жатыр. Қолында бірнеше ұсыныс бар, және олар қаржылық көлемі мен ұзақтығы жағынан Ювентус үшін қолайлы деп есептелуде.
Клубтың бұрынғы сенімді демеушісі Jeep логотипінің "Ювентустың" жейдесінде қайта пайда болу ықтималдығы өте жоғары.
Jeep басқа брендтермен бірлесіп демеуші бола ма, әлде жалғыз өзі ме – бұл мәселе әлі нақты анықталған жоқ.
Егер "Ювентус" маусымның соңғы күніне дейін Jeep логотипін жейдесіне қайта қоспаса немесе келесі маусымда дәл осы брендтің басты демеуші болатынына кепілдік алмаса, онда олар Jeep логотипін клубтар арасындағы Әлем чемпионатында пайдалана алмайды. Яғни, клуб бұл мәселеде тез шешім қабылдауы тиіс.
Айболат Өнер
Біздің серіктес: FONBET
