KeshYou "Қайратқа" арналған жаңа әнін таныстырды.
Продюсері Баян Алагөзованың айтуынша, бұл жоба "Қайраттың” жанкүйерлеріне рух беруді және командаға қолдау көрсетуді мақсат етеді. Әннің атауы да клубтың атауымен үндес – "Қайрат! Айырад!” деп аталады.
Жаңа бейнебаянның ерекшелігі – топ мүшелері клубтың дәстүрлі қара-сары түсті киім үлгісінде түсірілген. Клиптегі футбол добы да клубтың түстеріне сай таңдалған. Бұл визуалды шешім әннің негізгі идеясын, жанкүйерлік рух пен командалық бірлікті айқын жеткізеді.
Ән жеңіл әуенімен және жігер беретін мәтінімен ерекшеленеді.
