"Қайрат" басшыcы Алматыдағы жаңа футбол аренасының құрылысына қатысты соңғы жаңалықтарды жария етті, деп хабарлайды Aladop.kz.
Қайрат Боранбаевтың айтуынша, қала әкімдігі жаңа стадионның жобалау және құрылыс жұмыстарына барынша көңіл бөліп отыр. Қазіргі таңда ауқымды жұмыстар атқарылып, нысанның іргетасы қалануда.
"Қала басшылығы бұл мәселеге өте жауапты қарап жатыр. Қазірдің өзінде көп шаруа тындырылды. Біз алдағы екі жылдың ішінде құрылыс толық аяқталады деп үміттенеміз.” — деді клуб қожайыны.
Астанаға көшу — қателік пе, әлде амалсыздық па?
Чемпиондар лигасының қысқы матчтарын Астанаға ауыстыру мәселесіне келгенде, Боранбаев бұл шешімге біршама өкінішпен қарайтынын жасырмады. Сонымен қатар, ол бұл қадамның басты себебін түсіндірді.
"Шыны керек, Астанаға көшкеніміз бекер болған сияқты деген ой бар. Әрине, футбол сапасы жағынан бұл дұрыс шығар. Дегенмен, біз Алматыдағы өз алаңымызда да ойнай алар едік. Бірақ біз бірінші кезекте жанкүйерлеріміздің жайлылығын ойладық.” — деп түйіндеді Боранбаев.
