Алматының “Қайрат” клубының төрағасы Қайрат Боранбаев УЕФА аясында Eурокубоктарға қатысудың қаржылық пайдасын ашып айтты.
EFE агенттігіне берген сұхбатында Боранбаев клубтың Чемпиондар лигасынан алатын сыйақысы жылдық бюджеттен үш есе көп екенін жеткізді.
“Егер біз Азия Чемпиондар лигасына қатыссақ, бар болғаны 25 мың еуро алатын едік. Сондықтан қаржылық тұрақтылық біз үшін өте маңызды.” – деді ол.
Боранбаевтың айтуынша, тіпті Конференциялар лигасының топтық кезеңіне қатысу да клубтың бір жылдық бюджетіне тең қаржы әкеледі.
Айта кетейік, “Қайрат” тарихта алғаш рет Чемпиондар лигасының негізгі кезеңіне жолдама алған болатын. Бұл жетістік клуб үшін тек спорттық емес, экономикалық тұрғыдан да үлкен серпін беріп отыр.
