"Қайрат" клубының төрағасы Қайрат Боранбаев Чемпиондар лигасының жеребесі туралы пікірін білдірді.
"Жеребе өте қызықты болды. Қазақстанға мұндай алып клубтар бұрын-соңды келген емес. Біз үлкен қолдау болатынына сенеміз. Қала мен ел футболмен қайтадан тыныстап, жаңа серпін алғанын көріп отырмыз. Еуропаның 36 үздік клубының қатарына ену үлкен жетістік. Ал футболшылардың "Реалға" түскеннен кейінгі эмоциялары қандай? Олар алып клубтарға қарсы не істей алатынын көрсеткісі келеді.” – деді Боранбаев.
