“Қайрат” пен “Брюгге” арасындағы Чемпиондар лигасының 7-тур матчының басты статистикалық мәліметтер мен қызықты деректерді назарыңызға ұсынамыз. Бұл кездесу екі ұжым үшін де тарихи маңызға ие.
Бүгін елордалық Астана Арена стадионында Еурокубоктық маусымның ең тартысты ойындарының бірі өтпек. Төменде алдағы матчқа қатысты маңызды деректер жинақталған.
Тарихи алғашқы кездесу
Бұл ойын — “Қайрат” пен “Брюгге” арасындағы ресми деңгейдегі тұңғыш матч. Екі команда да бұған дейін бір-бірінің елдерінен (Қазақстан және Бельгия) келген клубтармен ешқашан бетпе-бет келмеген. Сондықтан бұл кездесу қос тарап үшін де жаңа сынақ болмақ.
“Брюггенің” мерейтойы
Бельгиялық ұжым үшін бұл түн ерекше болмақ. “Брюгге” Чемпиондар кубогы мен Чемпиондар лигасы аясындағы 150-ші ойынын өткізеді.
Олар Бельгиялық клубтар арасында бұл межеге жеткен екінші команда, көш басында 200 ойынмен “Андерлехт” тұр.
Командалардың қазіргі жағдайы
Екі клуб та соңғы уақытта Еурокубоктарда жеңіске жете алмай, сәтсіздіктер сериясына тап болды.
Алматылық ұжым УЕФА турнирлерінің топтық және лигалық кезеңдерінде қатарынан 12 матч бойы жеңіс дәмін татпаған (3 тең ойын, 9 жеңіліс).
Қонақтардың да жағдайы мәз емес. Олар Чемпиондар лигасындағы соңғы 5 ойында жеңіске жете алмады. Сонымен қатар, сырт алаңдағы лигалық кезеңнің 6 матчында да (1 тең ойын, 5 жеңіліс) ұпай жоғалтып, осы маусымдағы барлық үш қонақтағы кездесуде ұтылып қалды.
Төрешілер бригадасы
Матчты Литвадан келген төрешілер тобы басқарады.
Бас төреші: Донатас Румшас (Литва)
Матч Астана уақытымен 20:30-да басталады.
