"Интер" - "Қайрат" кездесуінде алматылықтар қақпасын күзеткен Темірлан Анарбеков
«Серый CARDINAL» телеграмм-арнасы «Қайраттың» ЧЛ жалпы кезеңіндегі мүмкіндігін бағалап, пікір білдірген.
Жазбада алматылық клубтың турнирдегі дайындығына назар аударылған болатын. Дәлірек айтсақ, ҚПЛ чемпионына қараша-қаңтар аралығында ойын тәжірибесінің жетіспеушілігі кері әсерін тигізуі мүмкін делінген.
«Қалай дегенде де итальялықтар 12 ұпаймен «Бавария» және «Арсеналмен» бірінші орынды бөлісуде. Қазақстандық клубқа қатысты айтсақ, алда 4 ойыны бар. Олардың ішінде жеңіске жетуге болады-ау дейтіні - «Копенгаген» мен «Олимпиакосқа» қарсы кездесулер. Бірақ, олардың да «Қайраттан» 3 ұпай алсам деген ойы барын айта кету керек. Өткен ЧЛ-ға қарағанда, плей-офқа шығу үшін 11 ұпай алу керек секілді. Қазір мұндай мүмкіндіктің жоқтығы түсінікті. Не дегенмен, «Арсенал» мен тіпті «Брюггенің» өзі басқа салмақ санатындағы қарсыластар. Ал шынымен қол жеткізуге болатыны – «жеңіс» деген кестедегі нөлді алып тастау мүмкіндігі. Солай еткен жағдайда, отандық футболға кәдімгідей серпіліс болатын еді. Тек бір жағдай алаңдатады: «Қайрат» бабын қалай сақтамақ? Чемпионат әлдеқашан аяқталып қойған, алда арасы ұзақ үзілістерден тұратын кездесулер күтуде», - делінген телеграмм-арнасының жазбасында.
«Қайрат» 4 турдан кейін 1 ұпаймен жалпы кезең кестесінде 34-орынға табан тіреуде. Келесі турда алматылықтар 26-қарашада сырт алаңда «Копенгагенмен» кездеседі.
