Қазақстандық «Қайрат» футзал клубы UEFA Чемпиондар лигасының негізгі кезеңінде Португалияның «Спортинг» командасымен күш сынасты.
Кездесу барысында португалиялықтар жылдам есеп ашып, бірінші таймда-ақ ойын тағдырын шешті. Нәтижесінде олар 7:2 есебімен жеңіске жетті.
Айта кетейік, қос команда 2024 жылы да жолығып, алматылықтар 3:2 есебімен басым түскен еді.
Енді қазақстандық команда үшінші топтағы соңғы ойынын 1 қарашада «Приштина» (Косово) клубына қарсы өткізеді.
Айта кетейік, кеше «Қайрат» клубы «Ново Вриеме» командасын 3:2 есебімен жеңген еді.
