22 жастағы Темірлан Анарбеков биылғы маусымда нағыз сенімділіктің символына айналуда, деп хабарлайды Aladop.kz.
kazfootball.kz мәліметінше қазіргі уақытта Темірланның қақпасына гол соғылмағалы 435 минут болды. ҚПЛ-да соңғы рет Анарбеков 2025 жылдың 26 қазанында "Астананың" Хорватиялық легионері Марин Томасовтан гол өткізіп алған еді.
Биылғы маусымда әзірге қақпасына ең көп уақыт гол жібермеген қақпашылар тізімі мынадай:
1. Темірлан Анарбеков ("Қайрат") – 435 минут
2. Степан Сикач ("Жетісу") – 210 минут
3. Нұрымжан Салайдин ("Қайсар") – 164 минут
4. Владимир Стойкович ("Елімай") – 164 минут
5. Виталий Ботнарь ("Ертіс") – 110 минут
6. Дмитрий Челядник ("Қызылжар") – 93 минут
Айта кетсек, ҚПЛ тарихындағы абсолютті рекорд тағы бір "Қайрат” қақпашысына тиесілі. Ол Сергей Бойченко.
Сергей (2005-2006) 921 минут бойы қақпасына бірде бір гол жібермеген болатын.
Темірланға Бойченконың рекордын жаңарту үшін тағы 486 минут бойы қақпасын голдан аман сақтау қажет. Бұл шамамен алдағы 5,5 матч деген сөз.
