Италия чемпионатының 3-турында Миландық "Интер" Туринде "Ювентусқа" қарсы тартысты ойын өткізді. Бұл кездесу нағыз қырғынға айналып, 4:3 есебімен алаң иелерінің пайдасына аяқталды.
Матч барысында "Интер” 3:2 есебімен алда тұрған еді. Алайда Туриндіктер соңғы минуттарда шабуылды күшейтіп, жеңісті жұлып әкетті. "Ювентус” сапынан Ллойд Келли, Кенан Йылдыз, Кепрен Тюрам және Василие Аджич көзге түсті. Қонақтардан екі голды Хакан Чалханоглу соғып, тағы бірін Маркус Тюрам еншісіне жазды.
Үш турдан кейін "Интердің" қоржынында 3 ұпай ғана бар, команда 11-орында тұр. Ал “Ювентус” 9 ұпаймен “Наполимен” бірге көшбастап тұр.
