Қазақстандық жаттықтырушы Қайрат Нұрдәулетов қазақ футболына есімі мәшһүр Станимир Стоиловтың уақытша бапкерлік штабына енбек. Болгар маманы бүгінде Түркияның Супер лигасында «Гезтепе» футбол клубын жаттықтырады.
Биыл ғана Түркияның Супер лигасына көтерілген измирлік команда Стоиловтың жетекшілігімен тәп-тәуір нәтиже көрсетіп, ішкі чемпионатты біраз шайқап жатыр. «Гезтепе» біріншілік барысында Жозе Моуриньо жаттықтыратын атақты Фенербахчемен тең түссе, Бешікташ пен Трабзонспор секілді мықтыларды жеңіп кетті. Қазір Станимир Стоиловтың командасы турнирлік кестеде 6 орында келеді. Болгар маманымен жақсы таныс Қайрат Нұрдәулетов көмекшісі Асқар Ыдырысовпен бірге Стоиловтың бапкерлік құрамында екі апталық тәжірибеден өтеді. Алдағы маусымда ол ҚПЛ клубтарының бірін тізгіндейтіні анық. Қазірдің өзінде бірнеше ұсыныс келіп түскен. Қысқы үзілісті пайдаланған Қайрат Жұмабекұлы білім-біліктілігін арттырмақшы. Өзіндік қолтаңбасы бар Қайрат Нұрдәулетовтің бұл қадамы басқа да отандық жаттықтырушыларға үлгі болуы тиіс.
Біздің серіктес: FONBET
