УЕФА Чемпиондар лигасы негізгі кезеңінің 2-турындағы «Қайрат» пен «Реал Мадрид» арасындағы ойынға төрешіні тағайындады.
Бұл ойынды Италиядан келген төрешілер бригадасы басқарады. Бас төреші - Марко Гуида. Оның көмекшілері - Джорджио Перетти мен Джузеппе Перротти. Төртінші төреші - Симоне Соцца. Бейнеқайталау жүйесінің (VAR) төрешісі - Марко Ди Белло. VAR-дың ассистенті - Алеандро Ди Паоло.
«Қайрат» - «Реал» матчы 30 қыркүйекте Алматыда өтеді. Еске сала кетейік, «Қайрат» Чемпиондар Лигасының негізгі кезеңіндегі алғашқы ойынын сырт алаңда «Спортингтен» (1:4) жеңіліспен бастады. Ал «Реал» өз алаңында «Марсельді» (2:1) тізе бүктірген еді.
