Екі команда тарихта алғаш рет кездескелі отыр. Бұған дейін Қазақстандық клуб Испандық қарсыласпен ешқашан ойнамаған, ал Мадридтіктер үшін Қазақстандағы алғашқы ойын болмақ.
"Қайрат” туралы деректер:
- "Қайрат” Чемпиондар лигасының негізгі кезеңіне тұңғыш рет шықты. Бұған дейін Қазақстаннан тек "Астана” (2015/16 маусымында) топтық кезеңде ойнаған.
- Бұл – Алматылық клубтың жалпы турнирге үшінші қатысуы. 2005/06 маусымында алғашқы іріктеу кезеңінде, ал 2021/22 маусымында екінші іріктеу кезеңінде сүрінген.
- "Қайраттың” Еурокубоктағы жалғыз топтық кезең тәжірибесі – 2021/22 жылғы Конференция лигасы. Ол маусымда команда екі тең ойын және төрт жеңіліспен топ соңында қалған.
- Соңғы 30 Еурокубоктық үй матчында "Қайрат" небәрі 4 рет ұтылды (19 жеңіс, 7 тең ойын). Биылғы маусымда өз алаңында мүлдем жеңілмей келеді (3 жеңіс, 1 тең), әрі бәрінде қақпасына гол айырылмады.
- Алайда 1-турда сырт алаңда "Спортингке" (1:4) ұтылып, бір ойында соңғы сегіз кездесуінде жіберген голдар санын қайталады.
"Реал Мадрид” туралы деректер:
- "Реал” Чемпиондар лигасының топтық кезеңінде 30-шы рет ойнап отыр. Бұл көрсеткіш бойынша олар тек "Барселонамен” тең.
- Мадридтіктер бұған дейінгі 29 маусымның бәрінде де плей-офф кезеңіне өткен.
- Өткен маусымда Карло Анчелоттидің командасы топтық кезеңде 11-ші орын алып (5 жеңіс, 3 жеңіліс), кейін плей-оффта "Манчестер Ситиді” ұтып, 1/8 финалда "Атлетиконы” пенальтимен жеңіп, ширек финалда "Арсеналға" (1:5 жалпы есеппен) жол берген.
- Соңғы 16 топтық кезең ойынының 13-інде жеңіске жеткен.
- "Марсельге” қарсы 2:1 есебімен жеңіске жетіп, Чемпиондар лигасы тарихында алғашқы болып 200 жеңіске және 700 голға қол жеткізді.
- Килиан Мбаппе Чемпиондар лигасында қатарынан төртінші маусымда 1-турда гол соқты. Қазір оның есебінде 57 гол бар, яғни 60 голдық межеге үш доп қана жетпей тұр. Бұл көрсеткішке тарихта бар-жоғы алты ойыншы ғана жеткен.
- "Реалдың” соңғы 60 топтық кезең ойынының ешқайсысы нөлдік тең есеппен аяқталмаған.
- Соңғы 15 Чемпиондар лигасы ойынында тек бір рет қана қақпасын "құрғақ” сақтаған.
- Винисиус Жуниор (25 жас 80 күн) 70 матчтық межеге жетсе, Икер Касильястан кейінгі ең жас ойыншы болмақ.
Алға Қайрат!
