«Қайрат» символикалық құрамнан шет қалды: Қазақстан чемпионатының үздік 11 футболшысы анықталды

SofaScore статистикалық порталы чемпионатта ең жоғары орташа баға алған 11 футболшыны таңдады.

Басты назар аудартқан жайт — күміс жүлдегер «Қайраттың» үздік құрамда жалғыз ойыншысы болуы.

«Астана», «Ордабасы» және «Ақтөбе» көш бастады

Символикалық құрамға ең көп футболшы ұсынған клубтар қатарында «Астана», «Ордабасы» және «Ақтөбе» бар.

Ал ең жоғары жеке баға Шымкенттік «Ордабасының» шабуылшысы Бьорн Йонсенге тиесілі болды.

Норвегиялық футболшы маусым бойы нәтижелі ойын көрсетіп, 17 кездесуде 14 гол соқты. SofaScore оның өнерін орта есеппен 7,49 балға бағалаған.

Үздіктер қатарынан «Астананың» тәжірибелі ойыншысы Марин Томасов та орын алды. Хорватиялық футболшының орташа көрсеткіші — 7,44 балл.

ҚПЛ-2026 маусымының символикалық құрамасы

SofaScore нұсқасы бойынша үздік футболшылар:

Қақпашы:

● Данил Устименко («Тобыл») — 7,25.

Қорғаушылар:

● Роман Юденков («Ертіс») — 7,35;

● Сергей Малый («Ордабасы») — 7,41;

● Темірлан Ерланов («Ақтөбе») — 7,30.

Жартылай қорғаушылар:

● Қуаныш Қалмұратов («Атырау») — 7,30;

● Жоржиньо («Қайрат») — 7,27;

● Иван Башич («Астана») — 7,40;

● Агустин Пасторица («Ақтөбе») — 7,24.

Шабуылшылар:

● Лео Натал («Ордабасы») — 7,30;

● Бьорн Йонсен («Ордабасы») — 7,49;

● Марин Томасов («Астана») — 7,44.

Еске салайық, 2026 жылғы Қазақстан Премьер-лигасының чемпионы Шымкенттік «Ордабасы» атанды.

Команда 30 турдың қорытындысында 68 ұпай жинап, чемпиондық атақты жеңіп алды.

Екінші орынды 65 ұпаймен Алматылық «Қайрат» иеленсе, үздік үштікті елордалық «Астана» түйіндеді.

SofaScore символикалық құрамасы командалардың турнирлік нәтижесіне емес, футболшылардың жеке статистикалық көрсеткіштері мен орташа бағаларына негізделген.