Свен Карич
Қазақстан чемпиондары Ресейлік "Пари НН" сапында өнер көрсететін Словениялық қорғаушы Свен Каричке қызығушылық танытып отыр, деп хабарлайды Aladop.kz.
Алайда, бұл ауыcымның сәтті аяқталу мүмкіндігі өте төмен.
Ақпараттарға сүйенсек, екі жақты келісімнің орнауына бірнеше маңызды себеп кедергі.
1. Ұзақ мерзімді келісімшарт:
Словениялық футболшының Ресейлік клубпен қол қойылған жарамды келісімшарты бар. Сондықтан "Пари НН” негізгі ойыншысын оңайлықпен жібере қоймасы анық.
2. Қаржылық мәселе:
"Қайрат" басшылығы Каричтің қазіргі жалақысын айтарлықтай көтеруге немесе ойыншы сұраған жоғары қаржылық талаптарды орындауға дайын емес. Алматылық клуб қазіргі таңда бюджетті тиімді жұмсау саясатын ұстанып отыр.
Свен Карич – 27 жаста, Еуропалық деңгейдегі тәжірибелі қорғаушы. Ол 2024 жылдан бері Ресей Премьер лигасында өнер көрсетіп келеді. Оның басты артықшылығы – Словения ұлттық құрамасының ойыншысы болуы. Мұндай мәртебелі қорғаушының Қазақстан чемпионатына келуі "Қайраттың" қорғаныс шебін айтарлықтай нығайтары анық.
