УЕФА жасөспірімдер Лигасының бірінші турындағы “Спортинг” – “Қайрат” матчының өтетін орны өзгерді.
Португалиялық Bolanarede.pt сайтының мәліметінше, кездесу бастапқыда жоспарланған Криштиану Роналду академиясының аренасында емес, 37 мың көрерменге арналған “Эштадиу Насьоналда” өтеді. Бұған академиядағы алаңның реконструкцияға жабылуы себеп болған.
Алаң иесі “Спортингтің” және Қазақстандық “Қайраттың” жастар құрамалары арасындағы матч 18 қыркүйекте өтеді.
