“Қайратқа” қарсы ойын алдында үздіктер қатарына кірді

Швед ойыншысы “Ливингстонға” қарсы ішкі чемпионаттың 3-тур кездесуінде екі гол соғып, өз командасының сенімді жеңіске жетуіне сеп болды. 

Жалпы “Селтик” шабуылшысынан бөлек, символикалық құрамға “Килмарнок”, “Хартс”, “Сент-Миррен” сынды ұжымдардың ойыншылары қосылды. 

Жалпы Бен Нюгрен кельттер сапында чемпионат аясында 3 матч өткізіп, 3 гол мен 1 голдық пас берді.

Айта кетейік, бұған дейінгі турдың үздіктері қатарына “Селтиктің” тағы бір ойыншысы Алистайр Джонстон кірген болатын. Алайда аталған ойыншы жарақатына байланысты бүгінгі “Қайратпен” өтетін ойынға қатыспайтын болды.