Қызылордалық "Қайсар" футбол клубында маңызды өзгерістер болғалы тұр. Клуб президенті Ислам Қозбақов команда бапкерлік штабы мен басқару құрамында ауыс-түйіс жасамақ. деп хабарлайды Aladop.kz
Белгілі болғандай, бас бапкер – Ресейлік маман Виктор Кумыков және клубтың спорт директоры Мақсат Байжанов жақын күндері қызметтерінен кетуі мүмкін.
Маусымның аяқталуына қарай "Қайсар" тұрақсыз ойын көрсетіп, күткен нәтижеге жете алған жоқ. Осыған байланысты клуб басшылығы жаңа маусым алдында жаңа бағыт пен серпін қажет деп шешкен көрінеді.
