Imoh Ezekiel
"Қайсар" кезекті топ трансферін сәтті жүзеге асырды. "Қасқырлардың" жаңа жұлдызы Нигерия құрамасының бұрынғы шабуылшысы 32 жасар Имо Эзекиль, деп хабарлайды Aladop.kz.
Футболшының Албаниядан келуінің астарында не жатыр? Бұл туралы Албаниялық танымал журналист Эрмаль Кука Legalbet.kz сайтында өз ойын бөлісті.
Panorama Sport басылымының тілшісі Имо Эзекильдің Албаниядағы мансабы туралы ашық айтты. Оның сөзінше, шабуылшы Албанияның бірінші лигасында (екінші дивизион) өнер көрсеткен. Дегенмен, бұл оның деңгейі төмен дегенді білдірмейді.
"Шыны керек, мен Эзекильдің ойынын аса жіті қадағалаған жоқпын, өйткені ол екінші дивизионда ойнады. Бірақ ол жай клубта емес, элитаға шығуға басты үміткер саналатын мықты ұжымда доп тепті." — дейді Эрмаль Кука.
Журналистің айтуынша, Эзекильдің трансферіне оның бұрынғы клубындағы ауқымды өзгерістер себеп болған. Қаңтар айында Албаниялық клуб елдің жоғарғы дивизионынан бірнеше мықты ойыншыны қатарына қосқан.
Трансфердің себептері:
– Клубтың құрамын толық жаңартуы
– Жоғарғы лигадан келген жаңа бәсекелестер
– Ойыншыға Қазақстаннан түскен тиімді ұсыныс
Осылайша, құрамдағы үлкен ротациядан кейін клуб Нигериялық шабуылшыны жіберуге шешім қабылдаған. Енді Имо Эзекиль өзінің шеберлігін Сыр елінде дәлелдеуге тырысады.
