33 жастағы тәжірибелі қақпашы мансабын “Торпедо-БелАЗ” ұжымында жалғастырады деп жазады “голевая-передача” телеграм-арнасы.
Дереккөздің мәліметінше, Игнатович Жодино командасымен келісімге келіп қойған екен.
Бұған дейін 33 жастағы футболшы елордалық Жеңіс сапында 28 ойын өткізіп, соның 11 кездесуінде өз қақпасын голдан аман алып қалды. Оның алдында ол шымкенттік “Ордабасы” сапында 13 ойын өткізіп үлгерді.
Сергейдің жаңа командасы “Торпедо-БелАЗ” өткен маусымда жоғары Лигада 30 ойында 49 ұпай жинап, турнир кестесінде 6 орынға жайғасты.
