Калиду Кулибали «Ливерпульге» ауысуы мүмкін

Журналист Фабио Сантини қорғаушы Калиду Кулибалидің "Наполиден" кетуі мүмкін екендігі туралы ақпаратпен бөлісті.

"Менде Кулибали туралы сенсациялық жаңалықтар бар. Сенегалдық қорғаушы үшін "Манчестер Сити" мен "Манчестер Юнайтед", ПСЖ таласуда. Бірақ ең басты үміткер - "Ливерпуль". Олар "Наполиге" 70 миллионнан 75 миллион еуроға дейінгі соманы ұсынды. Де Лаурентис ("Наполи" президенті) ойыншы үшін дәл осындай көлемде ақша сұрап отыр", - деді Сантини.

Естеріңізге сала кетейік, "Ливерпульдің" басты қорғаушысы Вирджил ван Дейк жарақат алып, ұзақ уақытқа қатардан шығып қалды.

Кулибали "Наполиге" 2014 жылдың жазында бельгиялық "Генк" клубынан ауысып келген болатын. Трансфер сомасы 7,5 миллион еуроны құрады. 29 жастағы футболшының италиялық клубпен келісімшарты 2023 жылдың жазына дейін жасалған.