Қарағандыда жаңа заманауи стадион салынады

Ғасыр футболы телеграм арнасының мәліметінше Қарағанды қаласында халықаралық талаптарға толық сәйкес келетін жаңа стадионның құрылысы жоспарланып отыр. Бұл арена УЕФА-ның ең жоғары деңгейдегі 4-санатына сай салынатыны ресми түрде хабарланды.

Жаңа арена жобасының макеті беделді TANU Design Award байқауында жеңімпаз атанды. Бұл – тек архитектуралық сапаның мойындалуы ғана емес, Қарағандыдағы болашақ футбол орталығының инновациялық әрі заманауи болатынын айғақтайтын көрсеткіш.

УЕФА-ның 4-санаты — Еуропадағы ең жоғарғы стандарт. Мұндай аренада:

• Халықаралық деңгейдегі іріктеу матчтары,
• Чемпиондар Лигасы мен Еуропа Лигасының плей-офф кезеңдері,
• Жоғары талап қойылатын халықаралық турнирлер өткізуге мүмкіндік бар.

Бұл Қазақстан футболы үшін жаңа қадам және елдің инфрақұрылымын едәуір жақсартатын жоба болмақ.