Қазақстан құрамасының бұрынғы ойыншысы, қазіргі “Жетісу” клубының бас бапкері Самат Смақов Уэльспен өтетін кездесуді отандық футболшылар үшін үлкен тәжірибе деп санайды.
"Төртінші қыркүйекте бізді Уэльс құрамасына қарсы өте маңызды матч күтіп тұр. Олардың сапында Ағылшын Премьер лигасынан келген сегіз ойыншы бар, бұл әлемдегі ең қарқынды чемпионат. Бұл үлкен тәжірибе мен үлкен шеберлік. Олардың құрамасының құны біздікінен бірнеше есе жоғары екенін түсіну керек, әрі Уэльс бай футбол мәдениеті бар ел. Өкінішке қарай, біз Бахтиер Зайнутдиновты жоғалтып алдық, бұл команда үшін үлкен шығын. Бірақ дәл осындай матчтарда жаңа көшбасшылар дүниеге келеді. Бұл ең маңыздысы.
Бүгін Қазақстан құрамасы үшін біздің жас жігіттер алаңға шығып жүр Дастан Сәтпаев, Темірлан Анарбеков, Муроджон Халматов, Максим Самородов, Ғалымжан Кенжебек, Даурен Жұмат. Олар үшін бұл мінез танытып, Қазақстанның болашағы бар екенін дәлелдеудің мүмкіндігі. Сондықтан біз бірігіп, командамызды қолдауымыз керек, бізді кезінде қалай қолдаған болса, дәл солай. Тек бірге болғанда ғана біз үлкен жеңістерге жете аламыз!” – деді Смақов Match KZ арнасына.
