"Қайрат" төрағасы Қайрат Боранбаев Алматылық клубтың бір күнтізбелік жылға арналған шығындарын ашық айтты, деп хабарлайды Aladop.kz.
Бұл туралы ол ArchiBall YouTube-арнасына берген сұхбатында мәлімдеді.
Функционер клубтың жылдық бюджетіне қатысты сұраққа нақты сандармен жауап берді.
– Клубтың бір маусымға немесе бір күнтізбелік жылға жұмсайтын шығыны туралы ақпарат жоқтың қасы. Бұл сандарды шамамен айта аласыз ба?
"Бюджет шамамен 12-ден 15 миллион долларға дейінгі аралықты құрайды. Бұл соманың ішіне негізгі құрамнан бөлек, академия, "Қайрат Жастар", әйелдер командасы және зағиптар футболына (Blind Football) арналған шығындардың барлығы кіреді. Сома өзгеріп отыруы мүмкін, бірақ менің түсінігімше, бұдан артық жұмсаудың қажеті жоқ, қазіргі таңда бұл тиімсіз шығын болып саналады."
