Қазақстан еурокубоксіз қалуы мүмкін

УЕФА рейтингінде 40 орында тұрған Қазақстан Еуропа Лигасының жаңа маусымына дейін 7 позицияға көтерілуі тиіс. Ондай болмаған жағдайда ел Кубогынде топ жарған команда Конференция Лигасына қатысып кетеді. Біздің ел үшін Еуропа Лигасында өнер көрсеткен тиімді. Себебі, аталған турнирден ұшып кеткен күннің өзінде еурокубоктік жорығын командалар басқа бәсекеде жалғастыруға мүмкіндік алады. Мәселен, осы маусымда “Тобыл” Еуропа Лигасының іріктеуінде жеңіліп қалсада, Конференция Лигасында бағын сынауға тырысып көрді. 33 орынға дейін көтеріле алмаған жағдайда, елімізден бір команда Чемпиондар Лигасында, қалған үш команда Конференция Лигасында ойнайды.

Еске салсақ, биылғы еурокубоктік маусымды “Ордабасы”, “Астана”, “Тобыл” және “Ақтөбе” бастаған болатын. Алайда үмітті тек Бабаян баптайтын елордалық ұжым ғана ақтады. Іріктеуден сүрінбей өткен ұжым ақыры соңында Конференция Лигасының топтық кезеңіне шықты.