ҚПЛ-дің біраз клубында доп тепкен сербиялық футболшы Стефан Живкович Қазақстан футболындағы басты мәселелерді атады
«Бәрінен бұрын мені кейбір стадиондар мен сапасы сын көтермейтін алаңдар, тозығы жеткен инфрақұрылымдар таңқалдырды. Жақсы футбол жақсы жағдайлардан басталады. Осы бағытта жұмыс істеліп жатыр деп ойлаймын. Ал БАҚ жазып жүрген төрешілікке байланысты айтар болсақ, қателік барлық жерде орын алады. Стадиондар мен алаңдар түзелгенде, төрешілік деңгейі де көтеріледі деп сенемін», - деді сербиялық футболшы «Sports24.kz» сайтына берген сұқбатында.
Стефан Живкович әр жылдары «Жетісу», «Атырау», «Ертіс», «Тұран» және «Қызыл-Жар» жейдесінде өнер көрсеткен.
