UEFA отандық төрешілерге маңызды ойынды сеніп тапсырды.
Қазақстандық төрешілер бригадасы жастар арасындағы 2027 жылғы Еуропа чемпионатының іріктеу кезеңі аясында өтетін Әзірбайжан мен Шотландия құрамалары арасындағы ойынға тағайындалды.
Кездесудің бас төрешісі - Саят Қарабаев. Оған отандастары Юрий Тихонюк пен Евгений Бельский көмектеседі. Төртінші төреші қызметін Сәкен Байымбет атқарады.
Матч 14 қазан күні Баку қаласындағы «Liv Bona Dea Арена» стадионында өтеді.
