Қазақстанның 19 жасқа дейінгі жасөспірімдер құрамасы Словенияда өтіп жатқан Slovenia Nations Cup-2025 турнирінде екінші рет жеңіс тойын тойлады. Кирилл Кеккер жаттықтыратын жас футболшылар бұл жолы Шотландия құрамасын 2:1 есебімен ұтып, маңызды үш ұпайға қол жеткізді.
Турнирдің алғашқы ойынында Қазақстан U19 құрамасы БАӘ жастарынан айқын басым түсіп, қарсылас қақпасына жауапсыз төрт гол соққан еді (4:0). Енді Шотландияға қарсы да сенімді ойын көрсетіп, шешуші сәттерді тиімді пайдаланған біздің жігіттер жарыстың басты фавориттерінің біріне айналды.
Енді Қазақстандықтарды 9 қыркүйек күні сағат 20:00-де Исландияға қарсы алаңға шығады. Бұл матч турнирдегі шешуші ойындардың бірі болмақ.
