Беларусь чемпионатында күтпеген нәтиже тіркелді. Қазақстандық маман Сергей Якушин жаттықтыратын Дзержинскінің "Арсеналы" өз алаңында турнирдің фавориттерінің бірі "Славияны" 1:0 есебімен тізе бүктірді.
Кездесудің тағдырын 71-минутта Александр Французов соққан гол шешті. Бұл доп "Арсеналға” ұзаққа созылған төрт матчтық жеңіссіз сериясын тоқтатуға мүмкіндік берді.
Жеңістен кейін Якушиннің командасы 24 ұпай жинап, турнир кестесінде тоғызыншы орынға көтерілді. Ал "Славия" 41 ұпайымен әлі де екінші орында тұр.
21 қыркүйекте "Арсенал” әйгілі БАТЭ-мен кездеседі, ал "Славия” өз алаңында "Динамо-Брестті" қабылдайды.
