"Тұран" шабуылшысы Шадман Бәкіров Қырғызстан чемпионатында бағын сынайды, деп хабарлайды Aladop.kz.
Бұл туралы белгілі спорт журналисі Александр Троицкий хабарлады.
Әзірге футболшының нақты қай клубпен келісімшартқа отыратыны белгісіз. Дегенмен, 24 жастағы ойыншының таңдауы жақын арада анықталуы тиіс.
Бәкіров өткен жылы Қазақстан Премьер лигасында дебют жасап, "Тұран” сапында 3 ойынға қатысты. Жоғарғы дивизионда мүмкіндік аз болғанымен, Бірінші лигада ол өзін жақсы жағынан көрсете білген.
– Бірінші лигада: 41 матч, 15 гол және 3 нәтижелі пас
– Қазақстан Кубогында: 10 матч, 1 гол және 1 ассист.
Оның басты артықшылығы — оның алаңдағы әмбебаптығы. Ол шабуыл өтінде ғана емес, сонымен қатар ондық позициясында (плеймейкер) және вингер ретінде де шебер ойнай алады. Оның бұл қасиеті жаңа клубында негізгі құрамнан орын алуға үлкен септігін тигізері анық.
