Қазақстан ұлттық құрамасының негізгі ойыншыларының бірі – "Ахмат" жартылай қорғаушысы Максим Самородов жарақат алып, алдағы 2026 жылғы әлем чемпионатының іріктеу матчтарына қатысуы күмән тудырып отыр.
Ресей Премьер лигасының оныншы турында "Ахмат” "Акронды” 3:0 есебімен ұтқан еді. Алайда матч барысында Самородов арқасын ұстап, ауырсыну сезімін байқатты. Бас бапкер Станислав Черчесов оны бірден алаңнан ауыстыруға мәжбүр болды.
Қазір жарақаттың нақты сипаты мен футболшының қалпына келу мерзімі белгісіз. Дегенмен бұл жаңалық Қазақстан құрамасы үшін үлкен соққы болуы мүмкін, өйткені Самородов командадағы негізгі шабуылдаушы күштердің бірі саналады.
Биылғы маусымда 22 жастағы ойыншы Ресей Премьер лигасында 10 матч өткізіп, бір голдық пас берген. Бұл РПЛ-дегі екінші маусымы.
