ҚФФ президенті Марат Омаров ұлттық құраманың бас бапкерінің отставкаға кетуі жайлы пікіріне жауап берді.
— Жалпы ол команданың жасарту жайлы тапсырманы орындады. Оның жоққа шығара алмаймын. Қазір ойыншылардың орташа жас шамасы 25-26 жасты құрайды. Бірақ нәтижелер көңілден шықпай отыр. Сондықтан елге келген соң, кадрлық шешімдер қабылданады. Шешімді мен қабылдаймын. Келгеннен кейін сөйлесеміз, — деді Марат Омаров BAQ.kz сайтына берген пікірінде.
Еске салайық, футболдан Қазақстан құрамасының бас бапкері Әли Әлиев Бельгиядан 0:6 есебімен ойсырай ұтылғаннан кейін, өз еркімен қызметінен кететінін мәлімдеген еді.
Алиевтің жетекшілігімен Қазақстан бес матч өткізіп, небәрі үш ұпай жинады. Құрама Бельгияға (0:6), Уэльске (1:3, 0:1) және Солтүстік Македонияға (0:1) жол беріп, Лихтенштейнге қарсы ойында ғана жеңіске (2:0) жетті.
